egybest , netflix, Amazon prim

 سلام عليكم يوم غادي يكوو جواب تاع سؤال كيفاش كيخدم موقع تاع egybest او مواقع افلام بحالو...

هاد موضوع هو خليط من المنطق وشوية تاع معرفة مسبقة بخدمات استضافات وحتا vps لهو virtual private server او بمعنى خدام الافتراضي.... كل حاجة غادي ندير لها تلخيص ياله تبع معايا...

اي جي بيست لهو موقع الافلام ومسلسلات سينمائية ولهي معروضة فمنصات بحال netflix, Amazon prim.. ولكن غير مجانية وهاد موقع كيوفرهم فابور ولكن سؤال كيفاش كيربح؟ ومنين كيجيب افلام قبل ميكون نتفلكس؟ وكيفاش كيرفعهم فموقع وكيفاش كيتيليشارجيهم يعني تحميل؟
اول سؤال كيفاش كيربح...
بطبعة الحال كلشي عارف بلي هو مزعج بالاعلان كيمرضك ولكن باش تفرج فابور معليك انك تصبر لدوك اعلانات لهما مصدر رزق لموقع او مجموعة الادمينز لمكلفين بموقع...
لانه كيخلص دومين وكيخلص حتا netflix الا كان مسارقش شي كونط وكيخلص حتا vps اه vps اسيدي ضروري منو باش يخفي معلومات وشكون قال انه كيخدم ب proxy لهو ضروري .. كلشي هادشي باش انت تفرج فابور
منين كيجيب الافلام؟
فالاصل كان كيجيبهم من نتفلكس قبل ميتعرف اه اولدي قبل ميتعرف وزيد كان كيجيبهم كذلك من مواقع عالمية بحال نتفلكس لهي اصلا منجحاتش ففرض قوة تاعها فسوق وكانو كيخدمو معاهم حتا مترجم ماشي واحد ولا جوج هما راه بزاف...

كيفاش كيرفعهم فموقع وكيفاش كيحملهم من مواقع اخرى؟
باش يدير فيلم فموقع كيخصو انترنيت تكون طيارة اولا وحتا server يكون كبير وخفيف ماشي كل مرة مشكل فسيت وغالبا كيخلصو فلوس صحاااح على جميع خدمات افتراضية... اولا كيخدمو فحاسوب افتراضي لهو rdp او بمعني virtual machine مميزات فهاد حاسوب هو سرعة فالانترنيت وكذالك فرام لبزااف (موضوع جاي غيكون على vps) يعني كيبقا يرفعهم فموقع بلا مشكل تاع كونيكسيون لخاصو مزانية غير vps تخلص لعام وها هو خرج من باب واسع...

ودابا كيفاش كيتيلشارجيهم.. عندك جوج حلول اولها كيتيليشارجيه باضافات لف Google chrome او firefox او انه كيدير record بجودة عالية *راه حاسوب افتراضي غادي يديرو فيه لعجب* ولهي فقط اخر فكرة لطيح فراسك...
مهم باش نتفاهمو راه egybest ماشي غير مصريين راه قدر تلقا حتا برا على مصر بحال مغرب تونس... اذن هو مجموعة من محترفين وحتا لهاكر متعرف يعني غير كنفتارضو